Dêh char Dak Lăk đei dang 2 triu ‘nu kon pơlei, lơ̆m ou drŏ kăn tơmơ̆t 52%. Măt bơngai dro kăn pơm kang ƀô̆ ‘noh vă jê̆ 45.000 ‘nu, tơmơ̆t 58% lơ̆m dêh char. Hăm tơdrong lăng ba, chĕp pơgơ̆r đơ̆ng Kơdră kơpal, bơ̆ jang kang ƀô̆ drŏ kăn đei lăng ba kơjăp, tơgop pơtrŭt kơtang tơdrong hơtŏ hơnơ̆ng drŏ nglo drŏ kăn lơ̆m tơdrong jang chinh trĭ. Atŭm hăm pơma dơnuh, pơm hơdăh rim tơdrong đei ƀơm truh tơdrong tơgŭm djru, bơ̆ jang kang ƀô̆ drŏ kăn, rim bơngai tang măt jei pơma hơdăh dôm trong jang păng tơlĕch ăn vă hơnơ̆ng jang ‘lơ̆ng hloh dơ̆ng bơ̆ jang kang ƀô̆ drŏ kăn. Kiơ̆ đơ̆ng yă Nguyễn Thị Minh Hương, Kơ iĕng Kơdră chĕp pơgơ̆r Trung ương Jơnŭm Khul drŏ kăn Việt Nam, kang ƀô̆ drŏ kăn pơma atŭm jei kăl lăng ba kơjăp, hăm rim trong jang tơgŭm djru, tơdrong jang trŏ lăp, vă đe sư mĭnh păh jang ‘lơ̆ng bơ̆ jang teh đak, vei lăng năng tông ŭnh hnam, adoi gơ̆h hŏk pơhrăm vă hơtŏk bơ̆ jang ‘lơ̆ng hloh dơ̆ng.