Kŭm hăm nơ̆r tơgop đơ̆ng dêh char Gia Lai, hop akŏm iŏk đei dơ̆ng 11 nơ̆r tơgop nai đơ̆ng dôm bơngai tang măt kơ dêh char Kon Tum, Dak Lak, Dak Nông, Lâm Đồng păng 1,2 ‘nu bơngai jang khoa hŏk, bơngai tang măt kuôk hô̆i găh lơ tơdrong oei đei ƀơm truh trong jang tơgŭm teh oei, teh choh jang sa; teh bri tơpôl; tơdrong iŏk yua teh 5% đơ̆ng tơpôl kon pơlei oei sa; pơm tơdrong jang sa tơ̆ hơla yơ̆p bri... kăl kơ đei set hơlen, hơmet ming.

Pơ tôch hop akŏm, ƀok Quàng Văn Hương- Phŏ Kơdră Jơnŭm vei lăng hơdrĕch kon kông kơ Kuôk hô̆i tơbăt: Jơnŭm vei lăng hơdrĕch kon kông kơ Kuôk hiô̆i rơih iŏk tơdrong tơm ƀơm truh dôm tơdrong hơdrong hơgăt đơ̆ng Luơ̆t đei tơdrong tang măt ăn tơring tơrang vă tơchĕng hơlen păng tơlĕch dôm trong jang tơgŭm ăn tơring kon pơlei kon kông; mă 2 ‘noh jĭ gơih truh anih chih hơmet ming, vă pơm tơdrong drơ̆ng 1 nơ̆r.