Anih jang hơdoi Công ty TNHH Măt ‘năr Phú Quốc păng Công ty TNHH Măt ‘năr Hạ Long đei pơjao tơlĕch jang tơdrong pơjing Tơring kơdrâm ‘nao Đầm Môn păng Tơring Kơdrâm ‘nao Tu Bông hăm kơsô̆ jên jang hlŏh 65.300 ti. Ƀar tơdrong jang âu đei hloi hnam oei, anih tĕch mơdro, chă tơmang lăng, pơtho pơhrăm, jang pơgang, cham ngôi pơhiơ̆, tơm ‘long păng anih jang ki thuơ̆t hrơ̆ch ‘lơ̆ng.

Khei ‘năr iŏk yoa ‘nŏh 50 sơnăm jô̆ đơ̆ng năr pơjao teh; tơchĕng adrol vă tơlĕch jang đơ̆ng sơnăm 2025 păng jang đang ƀât hơtuch sơnăm 2034. Ƀok Trần Minh Chiến, Kơdră Anih vei lăng Tơring jang mŭk drăm păng dôm tơring jang kơmăy kơ dêh char Khánh Hòa ăn tơbăt, 2 tơdrong jang ‘nâu gô tơgop hơnhăk Tơring jang mŭk drăm Vân Phong jing anih tơm pơvih pơvăn, tĕch mơdro, chă tơmang lăng, atŭm hăm ‘nŏh bơ̆ jang kiơ̆ trong tơgŭm gĭt kăl mă Quốc hội hlôi ‘măn ăn Khánh Hòa.