Tơdrong jang tơm noh chôk tơmăn jê̆ 20.000m², lơ̆m noh hloh 18.000m² hơtŏk teh ah ving Cam Ranh, atŭm hăm tơdrong man pơnơ̆ tơmo hơtaih hloh 500m. 'Nou jĭ tơdrong jang tơm vă ming man anih mong đak săng đak dou 'măn yua ah jăl jang pơtoi đơ̆ng rŏng. Tơdrong ming man đei kơsô̆ jên huach hloh 150 tih hlj/ Ah keh đang pơđĭ 2 tơdrong jang kĕ mong pơhlom 15.000m³, anih teh să hloh noh 12.000m², kơjung ưh đei hloh 17,2m.

Tơdrong ming man mă 1 hơmŏ gô keh đang lơ̆m 23 khei, gah tơdrong hơtŏk teh ah cham đak dơsĭ keh đang lơ̆m 10 khei. Tơdrong jang mă 2 gô tơlĕch jang đơ̆ng rŏng kơ noh păng gô keh đang ah khei 8/2026. Tơdrong ming man jing anih mong đak dou đak săng 'măn ăn cham gre păr Cam Ranh, tơgop hơtŏk mong đak dou đak săng ăn gre păr păng jang logistics tơring Pơbah Tŏk bŏk.