Lơ̆m găh tơdrong jang Khei Hơdruh tơdăm păng Khei pêng sơlam teh đak sơnăm 2023, tơ̆ jih đak dơsĭ tơring Giao Hải, apŭng Giao Thuỷ, Nam Định, Kơđông Ƀô̆ đô̆i Quất Lâm găh Dơnŏ anih Ƀô̆ đô̆i vei lăng sơlam teh đak dêh char Nam Định atŭm hăm Viện Việt Nam học và khoa học phát triển - Đại học Quốc gia Hà Nội, Hơnih bơ̆ jang vei lăng kon pơlei tơring Giao Hải păng mĭnh ƀar hơnih jang iung jang hơdoi pơgơ̆r Tơdrong jang "Dăh pơm rơgoh đak dơsĭ” hăm hơnăn “Vang pơm rơgoh đak dơsi Giao Hải - Vang pơjing đak dơsĭ rơgoh ‘lơ̆ng”.

Hăm vang năm jang đơ̆ng hlŏh 400 ‘nu kang ƀô̆, ƀô̆ đô̆i, hŏk tro, sinh viên, đoàn viên, hơdruh tơdăm vang iung jang chă dônh akŏm rơ̆m rĕk jih đak dơsĭ tơring Giao Hải. Tơdrong jang au vă tơgŭm ăn kang ƀô̆, hŏk tro, sinh viên, đoàn viên hơdruh tơdăm păng kon pơlei ƀôh hơdăh rơ̆m rĕk như̆a tơ̆ tơring tơter đak dơsĭ Giao Hải, ƀôh hơdăh rim hơnih pơm ăn rơ̆k rĕk, băt hơdăh tơdrong ƀơm kơnê̆ đơ̆ng rơ̆m rĕk như̆a hăm cham char păng kon pơlei. Đơ̆ng noh, atŏk jơhngơ̆m đon hlôh vao, kơchăng đơ̆ng kon pơlei găh tơdrong rơ̆m rĕk, krao hơvơn rim răih bơngai vang iung jang vei lăng năng tông cham char đak dơsĭ, pơjing đei tơdrong erih sa rơgoh ‘lơ̆ng hơ iă, kơ yuơ kon pơlei pơla…