Tơ̆ 'măng pơma dơnuh, ƀok Đinh Văn Khiết, xơ̆ jang Phŏ Kơdră Anih jang vei lăng kon pơlei dêh char Đăk Lăk akhan, dôm tơchơ̆t tơplih 'nao lơ̆m chih akŏm Luơ̆t Teh (hơmet tơplih) gô pơjing tơdrong drơ̆ng nơ̆r, vei xơđơ̆ng đei jơnei lơ̆m pơkăp iŏk yua teh. Mă lei, hăm tơring Tây Nguyên, tơring đei lơ kon pơlei kon kông hơrih jang sa, luơ̆t kăl đei dôm xơkơ̆t hơdăh găh hla bar pơkăp yua teh vă dôm bơngai âu tơnăp hloh lơ̆m vei lăng păng iŏk yua teh tơnăp hloh, pơtăl kơ đei axong tĕch răt. Adoi lơ̆m hop akŏm, lơ kon pơlei tăh hla pơtruh nơ̆r athei pơm hơdăh tơdrong xek tơlang hăm dôm hơgăt teh kơyuơ dôm anih mir đak lar vei lăng mă lei tŏk bŏk oei đei yua, vei xơđơ̆ng tơdrong pơyua ăn dôm păh.