Kon pơlei chơt hơ-iă hăm dôm tơdrong jang đei jơnei gah hơtŏk mŭk drăm – tơpôl, mă kăl noh tơdrong tơmơ̆t hơdai, pơtơm tơdrong jang kơ jơnŭm pơgơ̆r 2 tăl. Mă lei, lơ nơ̆r tơgop akhan, đơ̆ng rŏng kơ tơmơ̆t hơdai, tơring jang tih să, tơdrong jang 'noh lơ, ƀơm lơ tơnap tap noh kăl đei tơdrong tơgŭm mă trŏ ƀlep ăn bơngai jang, mă kăl noh bơngai jang sơnong kăl kơ tơring.

Kon pơlei pơtruh nơ̆r, asong ming man anih jang, kơmăi kơmŏk vă pơm hla bar hanh chinh gơh tenh kuăng; hơtŏk gah trong nơnăm păng logistics, dah hrôih ming man trong kơdou hrenh Buôn Ma Thuột – Nha Trang, Buôn Ma Thuột – Phú Yên, hơmet jăl trong 29 păng ming man dơnŏk duk Vũng Rô – Bãi Gốc 'măn ăn tơdrong jang tĕch răt tơmam drăm choh pơtăm hăm teh đak đe. Lơ̆m choh jang xa, athei tơgŭm ăn hop tak xah, pơjing tơring pơtăm trŏ nhen tơchơ̆t apŭng plenh teh, asong pơjing anih pơm tơlĕch, vei lăng păng pơih să tơchơ̆t asong tŏk iŏk jên jang.