Tơ̆ dôm anih akŏm pơma dơnuh, kon pơlei tah hla Đak Lăk lui ngeh hăm dôm tơdrong tơchơ̆t lơ̆m hơtŏk mŭk drăm tơpôl, pơm jang găn hloh tơnap tap dang ei đơ̆ng Jơnŭm pơgơ̆r teh đak, đơ̆ng Kuôk hô̆i.

Kon pơlei tah hla Đak Lăk hlôi pơtruh lơ nơ̆r tơgop tơrĕk truh tơchơ̆t jang ăn kang ƀô̆ tơ̆ tơring, gah tơdrong vei lăng groi teh, hơmet trong nơnăm, tơdrong jang gah hla bar hanh chĭn... Chih iŏk nơ̆r tơgop đơ̆ng kon pơlei, Khul tang măt ăn Kuôk hô̆i dêh char Đak Lăk athei rim anih jang păng jơnŭm pơgơ̆r tơring dah tơl hơdah lơ nơ̆r apinh đơ̆ng kon pơlei; atŭm hăm noh chih akŏm vă pơtruh ăn hop akŏm Kuôk hô̆i atŭm hăm dôm anih jang tơm tơ̆ kơpal hloh.