Khŭl tang măt Anih jang Đảng pơlei tơm, Jơnŭm pơgơ̆r kon pơlei, Anih vei lăng kon pơlei, Anih jang MTTQ Việt Nam pơlei tơm Hồ Chí Minh, Anih tơm khŭl linh Quân khu 7, Anih tơm khŭl linh Quân đoàn 4 hlôi năm soh nhang, dan pơkao kơ đe Mĕ Việt Nam Nuih mơng, đe lĭnh nuih mơng lôch dŏng teh đak tơ̆ pơsat lĭnh lôch dŏng teh đak pơlei tơm Hồ Chí Minh. Khŭl dan kơ đe Mĕ Việt Nam Nuih mơng păng đe Lĭnh nuih mơng lôch dŏng teh đak dôm kơvang pơkao ‘lơ̆ng hơiă.

Dôm bơngai tang măt hlôi ‘măn pơnĭt kŭp kơ̆l ƀlŏk hơdơ̆r păng tơƀôh jơhngơ̆m đon băt bơnê gĭt kăl hăm kŏng jang đơ̆ng đe Mĕ Việt Nam Nuih mơng, đe lĭnh nuih mơng lôch dŏng teh đak - dôm bơngai hlôi hŭt hơkâu ăn tơdrong rơngei, hiôk hian kơ teh đak. Đơ̆ng rŏng kơ lêh soh nhang, dan pơkao, dôm bơngai tang măt hlôi năm soh nhang tơ̆ rim pơsat, hơnih ƀŭ kơ vă jê̆ 14.500 ‘nu lĭnh nuih mơng lôch dŏng teh đak vă ƀlŏk hơdơ̆r.