Trong jang vă chih hơdăh tơdrong tơchơ̆t đơ̆ng Quốc hội, jĭ tơdrong hơgăt luơ̆t gĭt kăl vă akŏm jơhngâm, jên jang man hnam kơmăy unh điên hat nhân Ninh Thuận. Kiơ̆ kơ ‘nŏh, Anih tơm vei lăng jang kơmăy, tĕch mơdro đei pơjao pơm tơ ‘ngla, tơmât jên jang man Hnam kơmăy Ninh Thuận 1 păng 2. Lơ̆m khei 9/2025, Anih tơm athei pơm đang hla ar kĭ pơkăp hăm anih jang hơdoi găh Hnam kơmăy Ninh Thuận 1 păng lơ̆m khei 12/2025 athei pơma đam đang, kĭ pơkăp Tơdrong jang man Hnam kơmăy Ninh Thuận 2.

Anih vei lăng kon pơlei dêh char Khánh Hòa đei pơjao jăh chông rĭ kon pơlei, pơjing tơring oei xa ‘nao, chưk pơ ‘ngoăih teh. Anih tơm vei lăng pơtho pơhrăm pơgơ̆r pơjing trong pơtho khul bơngai jang găh điên hat nhân. Anih tơm vei lăng khoa hŏk păng kơmăy kơmŏk athei tơlĕch tơdrong jang roi tơbăt găh trong atŏk tơiung unh điên hat nhân. Đon pơhnŏng đei tơlĕch ‘nŏh khŏm jang đang dôm tơdrong kăl găh anih jang, trong nơnăm ăn 2 tơdrong jang ‘nâu lơ̆m sơnăm 2025 – 2026.