Khul kơpal jang hơlen kơ Anih tơm Chĭnh trĭ pơm jang hăm Anih jang kơpal Tĭnh uy Bến Tre
Thứ sáu, 16:18, 06/09/2024
Lan chih tơblơ̆
Lan chih tơblơ̆
VOV4.Bahnar – Năr 5/9, Khul jang hơlen kơsô̆ 1350 kơ Anih tơm Chĭnh trĭ kơyuơ ƀok Phan Đình Trạc, jang lơ̆m Anih tơm Chĭnh trĭ, Ƀĭ thư Trung ương Đảng, Kơdră Anih jang Nô̆i chĭnh Trung ương pơm kơdră Khul truh pơm jang hăm Anih jang Kơpal tĭnh uy Bến Tre.
Pơma ah jơ pơm jang, Kơdră Anih jang Nô̆i chĭnh Trung ương Phan Đình Trạc tơroi minh ƀar tơdrong kăl lăng truh lơ̆m tơdrong chă hơlen kơ Khul jang hơlen. Pơkăl rim bơngai jang lơ̆m Khul chă hơlen jang hadoi tơnăp hăm dôm jăl jang Đảng, anih jang đei akŏm hơlen vă keh đang tơchơ̆t tơlĕch trŏ hăm tơchơ̆t đơ̆ng Đảng gah tơdrong jang hơlen.
Tơchơ̆t mă hơtuch đĭ đăng kơ tơdrong jang hơlen noh vă tơgop pơm kiơ̆ tơnăp hloh Tơchơ̆t Hop akŏm 13 kơ Đảng, Tơchơ̆t Hop akŏm anih jang Đảng dêh char. Tơdrong hơlen kăp gĭt hloh noh ƀôh đei tơdrong hơdrin, jang đei jơnei, dôm tơdrong jang hơgei păng dôm tơdrong tơnap tap, tơhlăk tơhlĭn kăl chă sek tơlang mă keh.
Viết bình luận