Đunh kơ ou 80 sơnăm, đơ̆ng rŏng kơ đei jơnei Kăch mang Khei 8, năr 23/9/1945, Tĭnh ƀô̆ Việt Minh tơchơ̆t pơjing Anih jang pơgơ̆r khul linh dêh char Đăk Lăk, iŏk tơm noh Tiêu đoan khul linh tơblah rơngei N’Trang Lơng. Găn ga kiơ̆ dôm jăl jang, khul linh dêh char tơbang hơdah đon bơnôh kăch mang, đei lơ tơgop ăn tơdrong iung tơjră păng khei năr tơ-iung pơjing păng vei lăng teh đak.

Khul linh dêh char đei Đảng, Teh đak pôk lơ tơmam hơpah kăp gĭt nhen Mê đai Hơnglŏng Dreng, Mê đai Hồ Chí Minh, Mê đai Kuân kŏng, Hơnăn Anih jang “Khul linh kon pơlei nuih mơng”. 'Măng mă ou, tơbăt 80 sơnăm năr juăt jue tơ-iung pơjing, Kơdră teh đak bơ̆n hlôi pôk Mê đai Vei lăng Teh đak tăl Ƀar ăn Anih tơm pơgơ̆r Khul linh dêh char Đăk Lăk.