Tơ̆ jơ pơm jang, khul kơdră kơ dôm dêh char hlôi tơroi gah hla bar chih akŏm kăp gĭt đei tơbang chinh trĭ, tơbang hơlen dôm tơdrong jang kơ jăl jang 2020 - 2025, chih akŏm tơchơ̆t hop akŏm, pơkăp bơngai jang ăn jăl jang 2025 - 2030 păng chih akŏm nơ̆r pơtruh đơ̆ng Trung ương. Anih juăt jang Ƀan ƀĭ thư hmach bơnê kơ dôm tơdrong jang đei jơnei kăp gĭt mă dôm dêh char hlôi jang đei, atŭm hăm noh athei chih akŏm tôm nơ̆r pơtruh đơ̆ng Anih tơm Chinh trĭ, Ƀan ƀĭ thư, rim anih jang tơm vă keh đang hla bar kăp gĭt păng pơkăp bơngai jang.

Ƀok tơrĕk dôm trong jang lơ̆m jăl 'nao athei tơguăt hăm tơchơ̆t jang tih đơ̆ng Trung ương, băt hơdah dôm tơdrong hiôk ah mă pơm kiơ̆ pơkăp jơnŭm pơgơ̆r tơring 2 tăl, atŭm hăm noh băt hơdah đơ̆ng tơdrong jang tam mă tơnăp ah jăl jang 2020 - 2025 vă đei trong pơm jang hơmet tơtom.