Đơ̆ng rŏng kơ Khul tang măt Kuô̆k hô̆i dêh char Kon Tum roi tơbăt hăm văjê̆ 100 ‘nu bơngai tăh hla ‘nŏh jĭ công nhân, bơngai jang găh tơdrong jang đơ̆ng Khul tang măt Kuô̆k hô̆i dêh char; dôm tơdrong vă pơma nuh lơ̆m hop akŏm mă 5, Kuô̆k hô̆i jăl XV vă pơgơ̆r đơ̆ng ‘năr 22/5 truh, Khul kơdră chĕp kơ̆l Liên đoàn Lao động dêh char Kon Tum roi tơbăt dôm nơ̆r pơma, apinh đơ̆ng công nhân bơngai jang lơ̆m dêh char hăm dôm bơngai tang măt Kuô̆k hô̆i. 

Kiơ̆ kơ ‘nŏh, bơngai tăh hla ‘nŏh jĭ đe công nhân, bơngai jang lơ̆m dêh char Kon Tum đei nơ̆r pơma, apinh hăm Khul tang măt Kuô̆k hô̆i dêh char 6 grŭp tơdrong, hăm 38 tơdrong kăl đei: Grŭp jang chĕp kơ̆l pơgơ̆r, bơ̆ jang kiơ̆ tơdrong tơgŭm; Grŭp choh jang xa, pơtăm ‘long; Grŭp jang xa, tĕch mơdro; Grŭp jang pơgang; Grŭp pơtho pơhrăm păng Grŭp tơdrong tơgŭm, vei sơđơ̆ng tơdrong arih xa tơpôl. Tơ̆ hop akŏm Tổng Liên đoàn Lao động Việt Nam hlôi hơpăh tơmam ăn 33 ‘nu công nhân, bơngai jang đei tơdrong arih xa pơmat tat lơ̆m dêh char. 1 tơpu tơmam đei kơjă 1 triu hlak jên măt păng 200 rơbâu jên tơmam.