Kơ iĕng Kơdră chĕp pơgơ̆r teh đak hôn bơnê kơ dêh char hlôi hơdrin tơlĕch jang kiơ̆ jơ̆p jang lang să tơdrong jang pơting dih băl, pơjing đei jơhngơm pran lang să lơ̆m pơlei pơla. Lơ̆m jăl jang, Lâm Đồng đei hloh 360 khul, bơngai đei Kơdră chĕp pơgơ̆r Teh đak pôk ăn Huân, Huy chương, tơmam hơpăh kơ teh đak; hloh 500 khul iŏk đei Hla kơ pơting dih băl, Hla bơar pôk bơnê đơ̆ng Khul kơdră Teh đak; hloh 32.000 khul đei pôk hơpăh tơ̆ dêh char atŭm hăm lơ trong pôk pơ ư anai. Jơ ‘năr ou, Kơ iĕng Kơdră chĕp pơgơ̆r teh đak pôk ăn 200 tơnô̆ tơmam drăm ăn hŏk tro tơnap tap hŏk hơgei păng tơmam pôk ăn Ƀô̆ đô̆i nuih mơng vang năm hop akŏm. Hop akom jei pôk pơ ư, pôk hơpăh 15 khul, bơngai jang ‘lơ̆ng lơ̆m rim tơdrong jang, tơgop kơtang pơtrŭt iung jang pơting dih băl ‘mêm kơ eng teh đak jăl jang 2025 – 2030.