Kơ iĕng Kơdră chĕp pơgơ̆r Teh đak Võ Thị Ánh Xuân năm ngôi, pôk tơmam drăm, hơlêm rim Khul duk môch đak 189, Khul Ƀô̆ đô̆i đak dơsĭ; Khul duk ƀô̆ đô̆i 162, Tơring 4 Ƀô̆ đô̆i đak dơsĭ. Năm ngôi hăm kang ƀô̆, ƀô̆ đô̆i Hơnih tơm chĕp pơgơ̆r Tơring 4 Ƀô̆ đô̆i đak dơsĭ, Kơ iĕng Kơdră chĕp pơgơ̆r Teh đak Võ Thị Ánh Xuân pơma tơbăt jơhnhgơ̆m đon chơt hơ iă tơ̆ hơnăp tơdrong atŏk tơ iung pran kơtang kơ rim khul ƀô̆ đô̆i găh Tơring 4 Ƀô̆ đô̆i đak dơsĭ, ưh khan lăp tơdrong pơhrăm tơblăh kơchăng iung tơblăh, dŏng tơgŭm mă oei jing hơnih gơnang, lui yom kơjăp ăn kon pơlei rôp ka hơdang năm tơ̆ đak dơsĭ. Hăm Tơring 4 Ƀô̆ đô̆i đak dơsĭ, Kơ ieng Kơdră chĕp pơgơ̆r Teh đak athei jang ‘lơ̆ng 3 tơdrong jang: vei lăng kơjăp iăp kơtang pơm tơm kơdih đak dơsĭ, achon dơsĭ, sơđơ̆ng dơ̆ng kơjăp tơ̆ đak dơsĭ păng atŏk tơ iung mŭk drăm đak dơsĭ kơjăp ‘lơ̆ng.