Tơ̆ hop akŏm, Kơdră chĕp pơgơ̆r rim Hơnih tơm hlôi pơma dơnuh găh rim tơdrong: atŏk tơ iung hơnih jang kmăi kmŏk pơm tơlĕch tơmam drăm pơm trong gre treng, pơtho pơjing khul jang; trong chă hơvơn kon jên jang; iŏk jang, pơtho tơbăt bơ̆ jang kmăi kmŏk; pơchoh trong tơ iung pơjing tơdrong pơkăp ‘lơ̆ng teh đak. Pơma pơtôch hop akŏm, Kơ iĕng Thủ tướng Trần Hồng Hà athei kăl iung jang kiơ̆ ƀlep Tơdrong tơchơ̆t kơsô̆ 172 kơ Kuô̆k hô̆i găh trong tơlĕch jang Tơmơ̆t jên jang Tơdrong vă jang pơm trong gre treng rĕnh Tu-Pơbăh. ‘Moi kiơ̆ chă pơprŏ, Kơ iĕng Thủ tướng athei Hơnih tơm vei lăng Trong gre nơnăm kăl iung jang hơdoi hăm rim hơnih tơm, hơnih jang, tơring vă pơjing rim khul bơ̆ jang lơ̆m dôm tơdrong hơdăh, đơ̆ng noh, sơkơ̆t hơdăh trong pơkăp iŏk yua teh, jang kiơ̆ iŏk tơvih teh, hơmet ming pơprŏ tơring oei, pơprŏ vă iŏk yua teh atŏk tơ iung tơring kơdrơ̆m, tơring choh jang sa ‘moi kiơ̆ jăl trong, sơkơ̆t hơdăh kon jên jang păng trong chă hơvơn vă iung jang.