Lăng ‘lơ̆ng dôm jơnei tơdrong jang đơ̆ng kang ƀô̆, khŭl linh Kơ đông vei lăng tơring sơlam Pò Hèn, Kơdră Anih tơm vei lăng khul linh Phan Văn Giang ‘meh vă anih jang hơnơ̆ng hơtŏk jơhngơ̆m đon ‘lơưng hơiă Ƀô̆ đô̆i ƀok Hồ, hơdrin hơmet pơ ‘lơ̆ng mơmat tat jang đang ‘lơ̆ng rim hơnăp jang đei pơjao; jang ‘lơ̆ng tơdrong jang tơgŭm hăm kơdră đảng, kơdră tơring pơjing tơdrong jang đĭ đăng kon pơlei vei lăng tơring sơlam pran kơ jăp.

Tơ̆ Anih man tơbăt kơ đe Lĭnh nuih mơng lôch dŏng teh đak Pò Hèn, Đại tướng Phan Văn Giang kŭm hăm khŭl bơ̆jang soh nhang, dan kơvang pơkao ƀlŏk hơdơ̆r kơ đe lĭnh nuih mơng lôch dŏng teh đak lơ̆m ‘măng iung tơblăh vei lăng tơring sơlam, yua kơ tơdrong jang vei lăng hiôk hian, pơm tơm hơgăt teh kơ teh đak.