Tơ̆ jơ pơma dơnuh, Kơdră tơm vei lăng Kŏng an Tô Lâm păng Bí thư mă mônh Trung ương Đoàn hơdruh tơdăm Cộng sản Hồ Chí Minh Bùi Quang Huy hlôi răp mơ̆ng păng tơl nơ̆r 1,2 tơdrong đei đoàn viên, hơdruh tơdăm Kŏng an tơroi nhen: Tơdrong jang tơplih kơ măy kơ sô̆ hrei ‘nâu; trong jang tơgŭm ăn khŭl linh Kŏng an xăh; tơdrong ƀơm truh tơgŭm hơdruh tơdăm ‘noh pơm lĭnh lơ̆m Kŏng an kon pơlei gơh đei hŏk tơdrong jang, pơ tho tơƀôh tơdrong jang đơ̆ng rŏng ƀrŏk đơ̆ng pơm lĭnh đang.

Kơdră tơm Tô Lâm akhan tơdăh Anih tơm Kŏng an, Đoàn hơdruh tơdăm Kŏng an kon pơlei ưh kơ tơlĕch jang, tơmơ̆t yua tơplih kơmăy kơ sô̆ ‘noh gô mơmat tat ƀơ̆t bơ̆jang kiơ̆ hơnăp jang. Oei Bí thư Mă mônh Trung ương Đoàn Bùi Quang Huy ‘noh tơbăt, dang ei Trung ương Đoàn tŏk bŏk tơmơ̆t yua tơplih kơ măy kơ sô̆ tơ̆ rim kơdră jang đoàn vă đei hla ar chih răk, kơ tơ̆ng ang tơgŭm đe lĭnh ƀrŏk đơ̆ng pơm lĭnh.