Kơdră chĕp kơ̆l Ban Bí thư sơng Khŭl Đảng Kon pơlei Rơngei Angola
Thứ năm, 14:44, 22/08/2024
VOV/Thuem tơblơ̆
VOV/Thuem tơblơ̆
VOV4.Bahnar - Kơsơ̆ brei (21/8) tơ̆ Hà Nội, ƀok Lương Cường, Bơngai jang lơ̆m Anih tơm Chĭnh trĭ, Kơdră chĕp kơ̆l Ban Bí thư hlôi sơng Khul tang măt kơdră kơpal Khŭl Đảng Kon pơlei Rơngei Angola chĕp kơ̆l, yua đơ̆ng ƀok Manuel Domingos Augusto, Bơngai jang lơ̆m Anih tơm Chĭnh trĭ, Bí thư Trung ương Đảng vei lăng jang tơbôl chĕp kơ̆l khŭl.
Tơ̆ jơ sơng, ƀok Lương Cường pơma hơdăh Việt Nam lăng kăl tơdrong pơvei jang hơdai, tơbôl, joăt joe hăm Đảng Kon pơlei Rơngei Angola chĕp kơ̆l, hăm Teh đak păng Kon pơlei Angola. Ƀok Lương Cường pơma hơdăh Việt Nam păng Angola đei lơ tơdrong jang vă hơtŏk tơiung jang hơdai păng athei 2 Đảng akŏm chĕp kơ̆l bơ̆ jang kiơ̆ đei yua dôm tơdrong drơ̆ng nơ̆r hlôi kĭ đơ̆ng 2 teh đak.
Ƀok Manuel Domingos Augusto pơma hơdăh ‘meh vă hơtŏk loi dơ̆ng tơgoăt tơgoăl, hŏk pơhrăm tơdrong hlôh vao đơ̆ng Việt Nam lơ̆m hơtŏk tơiung teh đak, vei sơđơ̆ng hơtŏ băl lơ̆m tơpôl, hơtŏk hơnăp jang, anih dơ̆ng lơ̆m apŭng plĕnh teh.
Viết bình luận