Hăm jơhngơ̆m đon ‘mêm tôch bach hmach tôch dêh, rim Kơdră chĕp pơgơ̆r Đảng, Teh đak hlôi kuh ka hla bat ƀlŏk hơdơ̆r kơ Ƀok Hô, kơdră chĕp pơgơ̆r gơ̆h hơgei hloh, Bơngai nuih mơng pran kơtang Pơm rơngei ăn hơdrĕch hơdrung, Ƀok hlôi plang đĭ jơhnơr hơrih ăn kon pơlei, ăn teh đak, chông ba Đảng bơ̆n, kon pơlei bơ̆n iŏk đei jơnei tih tên, pơm ăn đe ư hơnhang ang hơnhăk hloh kơ hơdrĕch hơdrung bơ̆n, teh đak bơ̆n. Gơvang pơkao kơ Khul đei chư chih “Ling lang ƀrŏk hơdơ̆r kơ Ƀok Hô gơ̆h hơgei nuih mơng". Kơdră chĕp pơgơ̆r Teh đak Hồ Chí Minh hlôi vih hăm mĕ ƀă yă ƀok kơtĕch 55 sơnăm, mă lei hla bơar Pơsư̆ kơ Ƀok ling lang pơchoh trong ‘lơ̆ng ăn kơ Đảng, kon pơlei păng ƀô̆ đô̆i kŏng ang teh đak iung yak pran kơjăp iăp kơtang yak truh kĕch mang gơ̆h hơgei. Jang kiơ̆ Nơ̆r pơsư̆ đơ̆ng Ƀok, pơđĭ lơ̆m Đảng, kon pơlei, ƀô̆ đô̆i kŏng ang bơ̆n kơrŭn đĭ ai, hơdrin kơtang iung jang keh đang rim trong tơlĕch jang, tơdrong jang mă Tơdrong tơchơ̆t Pơm lêh hop akŏm mă XIII kơ Đảng tơlĕch ăn.