Tơ̆ Hnam sơng Tơmoi Teh đak, Kơdră chĕp pơgơ̆r Hơnih tơm jang tơbôl Bùi Thanh Sơn hlôi pơma đam hăm Kơdră chĕp pơgơ̆r Hơnih tơm jang tơbôl Chile. Ƀar ‘nu kơdră hlôi tơbăt dih băl găh tơdrong lơ̆m teh đak kơdih, pơma dơnuh rim trong jang pơm hơtok loi dơ̆ng tơgoăt tơgoăl jang hơdoi tôm tong Việt Nam - Chile, rim tơdrong lơ̆m tơring păng tơ̆ teh đak đe mă ƀar păh lăng truh. Ƀar păh hlôi pơma dơnuh păng drơ̆ng mĭnh nơ̆r mĭnh ƀar trong jang vă hơnơ̆ng pơm hơtŏk loi dơ̆ng tơgoăt tơgoăl ƀar teh đak lơ̆m khei năr kơnh, pơđĭ tơdrong iung jang hơdoi hơmet ming păng hơmet ăn rim ‘măng năm ngôi dih băl kơ khul kơdră kơpal, iung jang kiơ̆ ‘lơ̆ng rim trong bơ̆ jang Chinh trĭ păng Jơnŭm mơdro sa hiôk hian Việt Nam - Chile, iung jang hơdoi hơmet pơ ‘lơ̆ng tơhlăk tơhlĭn lơ̆m tơgoăt tơgoăl dih băl păng pơjing rơvơn ăn tơdrong tĕch mơdro dih băl tơmam drăm.