Khôi luơ̆t pơm tơlĕch tơdrong tơchơ̆t khôi luơ̆t hrei ou đei 173 apăng, Trong pơjing Khôi luơ̆t pơtruh ăn Kuô̆k hô̆i tơ̆ ‘măng hop akŏm ou lăp đei 72 apăng, tơjur 101 apăng. ‘Moi kiơ̆ trong tơ iung pơjing khôi luơ̆t kiơ̆ trong dôm tơdrong găh lơ̆m gơ̆h jang kơ Kuô̆k hô̆i ‘noh Kuô̆k hô̆i tơchơ̆t, dôm tơdrong găh gơ̆h jang kơ Khul kơdră chĕp pơgơ̆r Teh đak ‘noh, Khul kơdră Teh đak gô tơchơ̆t, Kơdră chĕp pơgơ̆r Kuô̆k hô̆i pơma hơdăh, tơdrong hơmet ming Khôi luơ̆t Pơm tơlĕch rim hla bơar tơchơ̆t khôi luơ̆t jing tơdrong kăl hloh ăn tơdrong tơ iung pơjing rim khôi luơ̆t ‘nao, adoi nhen hơmet ming, tơmơ̆t dơ̆ng rim khôi luơ̆t sơđơ̆ng trŏ lăp gơ̆h jang. Kơdră chĕp pơgơ̆r Kuô̆k hô̆i pơma tơlĕch 5 tơdrong lơ̆m hơmet ming khôi luơ̆t, lơ̆m ou lăng truh atŏk kơtang hơnăp jang kơ hơnih jang pơtruh ăn lơ̆m tơdrong chiu pŭ truh troch, mă kăl ‘noh hơnăp jang kơ dôm kơdră dơnơm, kơdră chĕp pơgơ̆r Hơnih jang. Kơdră chĕp pơgơ̆r Kuô̆k hô̆i Trần Thanh Mẫn akhan, tơdăh Khôi luơ̆t đei pơdrơ̆ng kiơ̆ tơ̆ ‘măng hop akŏm ou gô pơjing rơvơn ăn tơ iung pơjing, pơm pơkeh kkôi luơ̆t lơ̆m sơnăm 2025 păng pơjing rơvơn ăn kăl jang Kuô̆k hô̆i jăl 16, sơnăm 2026 – 2031.