Kơdră chĕp pơgơ̆r Kuô̆k hô̆i athei, Hơnih tơm vei lăng Jŏh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ kăl tơlĕch jang kiơ̆ kơjăp jơhngơ̆m đon pơrô̆ đơ̆ng Tổng bí thư lơ̆m Hop akŏm jŏh ayŏ lơ̆m teh đak, hrôih hơmet pơ ‘lơ̆ng tơdrong hiơ hiơ̆ tơlĕch jang kiơ̆ trong bơ̆ jang đơ̆ng Đảng, jing khôi luơ̆t păng trong jang hơdăh, trŏ lăp jang kiơ̆ hloi găh atŏk tơ iung joh ayŏ, tơ iung pơjing kon bơngai.

Tơdrong khôi luơ̆t tơm kơ Việt Nam kăl trŏ lăp hăm tơdrong pơgơ̆r joh ayŏ kơdŏ soang, atŏk kơtang rim tơdrong tơmơ̆t jang đơ̆ng Teh đak păng tơpôl, đơ̆ng lơ̆m teh đak păng teh đak đe vă atŏk kơtang jŏh ayŏ. Kơdră chĕp pơgơ̆r Kuô̆k hô̆i pơchoh trong, Jŏh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ kăl iung jang pơchoh trong pơtruh ăn Khul kơdră Teh đak, Kuô̆k hô̆i dôm tơdrong kăl, kăl đei trong pơkăp jang, trong jang kơdih vă tơgŭm djru, hơmet pơ ‘lơ̆ng tơnap tap, atŏk tơ iung tôm tong rim tơdrong jŏh ayŏ kơdŏ soang kon bơngai. Hơnơ̆ng pơrô̆,pơgơ̆r tơlĕch jang kiơ̆ ‘lơ̆ng rim tơdrong vă jang găh Jŏh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ găh rim trong tơlĕch jang teh đak hlôi đei lơ̆m au đei tơring tơrang ‘nao, tơjur dơnuh kơjăp ‘lơ̆ng.