Đơ̆ng rŏng hop akŏm hăt hot mă 9 rim Kơdră tang măt Kuô̆k hô̆i hlôi pơma dơnuh tơ̆ khul găh trong vă pơjing Khôi luơ̆t hơmet ming, tơmơ̆t dơ̆ng minh ƀar apăng kơ Khôi luơ̆t Khul bơ̆ jang Kuôk hô̆i păng trong vă pơjing Khôi luơ̆t pơm tơlĕch dôm hla bơar tơchơ̆t khôi luơ̆t (hơmet ming). Pơma dơnuh tơ̆ khul, Kơdră chĕp pơgơ̆r Teh đak Lương Cường pơma hơdăh tơdrong kăl hloh ‘noh kăl kơtoei, bơ̆ jang jơnei. Tơdrong hơmet ming kăl pơjing đei khul kơdră chĕp pơgơ̆r ‘nao ‘lơ̆ng hơ iă bơ̆ jang jơnei hloh. Vă Khul kơdră chĕp pơgơ̆r bơ̆ jang jơnei, hloh đơ̆ng dăr lăng hrei ou oei đei dang hloh 5.000 khôi luơ̆t păng hla bơar Tơchơ̆t, lơ̆m ou đei hloh 200 khôi luơ̆t kăl hơmet ming, tơmơ̆t dơ̆ng. Kơdră chĕp pơgơ̆r Teh đak athei lơ̆m ‘măng hop akŏm hăt hot mă 9 akŏm hơmet ming 4 khôi luơ̆t păng 5 tơdrong tơchơ̆t đei ƀơm truh chĕp pơgơ̆r vă tơlĕch jang kiơ̆ Tơdrong tơchơ̆t 18. Kơdră chĕp pơgơ̆r Teh đak athei akŏm tơgop nơ̆r lơ̆m trong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Khul kơdră chĕp pơgơ̆r Kuôk hô̆i  păng trong vă pơjing Khôi luơ̆t pơm tơlĕch dôm hla bơar tơchơ̆t khôi luơ̆t (hơmet ming); tơdrong hơmet ming kăl trŏ lăp hăm yan ou păng trŏ lăp trong chĕp pơgơ̆r ‘lơ̆ng, pran kơtang hloh.