Kơdră chĕp pơgơ̆r Teh đak Lương Cường sơkơ̆t hơdăh, Việt Nam ling lang lăng kơjăp, ‘meh vă hơnơ̆ng hơmet pơ ‘lơ̆ng, atŏk tơ iung tơgoăt tơgoăl dih băl joăt joe đơ̆ng sơ̆ păng jang hơdoi tôm tong hăm Nga. Tơ̆ jơ sơng, ƀar pqăh drơ̆ng mĭnh nơ̆r hơnơ̆ng atŏk kơtang lui yom dih băl chinh trĭ, atŏk kơtang jang hơdoi lơ̆m rim khul Đảng, teh đak, Kuô̆k hô̆i păng tơring; pơtrŭt kơtang tơlĕch jang kiơ̆ trong jang, tơdrong vă jang hơdoi lơ̆m rim tơdrong; adoi atŏk kơtang ăn kon pơlei năm ngôi dih băl, pơgơ̆r joh ayŏ kơdŏ soang, đă ƀŏng lŏng tơplŏng kơdou păng tơmang pơhiơ̆ păng lui kơ jăp hăm dôm tơdrong hơdrin đơ̆ng ƀar păh, Việt Nam hăm Liên bang Nga gô tơchă đei trong jang ‘lơ̆ng hơ iă vă hơmet pơ ‘lơ̆ng tơdrong tơhlăk tơhlĭn, yak hloh tơnap tap, pơtrŭt kơtang tơgoăt tơgoăl dih băl atŏk tơ iung pran kơtang hloh.