Lăp đơ̆ng rŏng mơ̆ng kơdră hnam trương tơroi tơbăt, Kơdră Hơnih tơm vei lăng Hnam trương pơtho pơhrăm Nguyễn Kim Sơn athei: Đăi hŏk Tây Nguyên kăl pơgenh dôm tơdrong đei vă tơ iung pơjing Trong vă jang tơm, trong pơtho pơhrăm lơ̆m khei năr kơnh. Hnam trương kăl lăng kơjăp 2 tơdrong tơm pơtho pơhrăm kiơ̆ tơdrong ‘mĕh vă đơ̆ng tơring ‘nŏh atŏk tơ iung kmăi kmŏk, kih thuơ̆t păng tơdrong jang khoa học và nhân văn, tơgŭm ăn tơdrong vei lăng tơpôl, chĕp pơgơ̆r tơpôl, lui khop, hơdrech hơdrung, joh ayŏ Tây Nguyên. Atŭm hăm ‘noh, hnam trương hơnơ̆ng atŏk kơtang chă tơchĕng khoa hok; trong pơtho pơhrăm kơ hnam trương kăl đei pơjing jơnei vă hơvơn sinh viên, atŏk đei lơ hŏk tro mơ̆t hok; đei trong atŏk tơ iung khul rim bơngai khoa hŏk, ‘moi kiơ̆ dôm ƀok thây kô pơtho ăn năm hŏk pơhrăm dơ̆ng, chă hơvơn dôm bơngai gơ̆h hơgei bơ̆ jang.