Lơ̆m kơthơ pơtruh, đe Kơdră kơpal kơ teh đak Trung Quốc thơ thou hơ-iă hăm dôm tơdrong jang mă Việt Nam hlôi jang đei jơnei, chinh trĭ tơpôl sơđơ̆ng, mŭk drăm hơtŏk tenh kuăng, tơdrong hơrih kon pơlei đei hơtŏk 'lơ̆ng, tơdrong jang lơ̆m apŭng plenh teh păng lơ̆m tơring hơnơ̆ng đei hơtŏk; lui ngeh hăm tơdrong pơgơ̆r kăp gĭt đơ̆ng Trung ương Đảng Cộng sản Việt Nam, Việt Nam tơpă gô yak kơjăp kiơ̆ chu ngia xah hô̆i trŏ hăm tơpôl teh đak, pơgơ̆r đei jơnei Hop akŏm Đảng 'măng mă 14, pran kơtang hơyak truh pơkăp 100 sơnăm năr tơ-iung pơjing Đảng, tơ-iung pơjing teh đak.

Rim Ƀok Kơdră kơpal teh đak Nga sơkơ̆t hơdah, tơdrong jang hơdoi tôm tơdrong tŏk bŏk oei hơtŏk 'lơ̆ng, tơdrong jang hơdoi atŭm gah dôm tơdrong đei ƀôh lơ̆m tơring păng lơ̆m apŭng plenh teh tŏk bŏk hơ-'nhăk ăn tơdrong pơyua tơnăp kiơ̆ pơkăp tơgĭt yom dih băl păng atŭm jô̆ truh tơdrong pơyua kơdih băl.