Kơsơ̆ ‘năr 18/4, (kiơ̆ jơ tơring), Kơdră Kuôk hô̆i Vương Đình Huệ păng Khŭl tang măt gĭt kăl Kuôk hô̆i teh đak bơ̆n hlôi trŭh tơ̆ cham gre păr José Marti, anih tơm La Habana pơtơm ‘măng năm ngôi, bơ̆jang tơ̆ Cộng hòa Cuba kiơ̆ nơ̆r krao hơvơn đơ̆ng ƀok Esteban Lazo Hernandez, Kơdră Kuôk hô̆i, kơdră Jơnŭm teh đak Cuba. ‘Măng năm ngôi tơ̆ Cộng hòa Cuba đơ̆ng Kơdră Kuôk hô̆i Vương Đình Huệ vă pơtrŭt tơdrong pơvei tơbôl joăt joe, jang hơdai gĭt kăl đơ̆ng 2 teh đak lơ̆m lơ tơdrong jang nhen: pơvei chĭnh trĭ tơbôl; jang hơdai khŭl linh - sơđơ̆ng; jang hơdai mŭk drăm, mơdro sa, tơmơ̆t jên jang; jang hơdai choh jang sa; jang hơdai pơgang.

Lơ̆m jang hơdai đơ̆ng 2 Kuôk hô̆i, 2 păh gô tŭn pran hơtŏk loi dơ̆ng tơƀơ̆p pơma dơnuh đơ̆ng kơdră gĭt kăl păng rim kơdră chĕp kơ̆l, đơ̆ng Bơngai tang măt Kuôk hô̆i 2 teh đak, đơ̆ng 2 grŭp Nghị sĩ hữu nghị sỹ; hơnơ̆ng hơ tŏk hơnăp jang anih jang pơ jing khôi luơ̆t 2 teh đak lơ̆m pơtrŭt tơdrong pơ vei 2 pang; jang hơdai tơ̆ dôm hop akŏm apŭng plĕnh teh lơ pang.