Pơma tơ̆ lêh tơbăt, Phŏ kơdră Kuôk hô̆i Trần Thanh Mẫn athei, Anih vei lăng tơdrong hơ pơi ‘meh đơ̆ng kon pơlei kăl hơ nơ̆ng jang kiơ̆ dôm tơdrong Tơchơ̆t hop akŏm bơngai tang măt lơ̆m teh đak ‘măng mă 13 kơ Đảng; dôm hơnăp jang đei pơ jao lơ̆m Tơdrong jang đơ̆ng Đảng khŭl Kuôk hô̆i bơ̆jang kiơ̆ Tơdrong tơchơ̆t Hop akŏm 13 kơ Đảng.

Anih vei lăng tơdrong hơ pơi ‘meh đơ̆ng kon pơlei pơgơ̆r jang hơdai kơjăp hăm dôm anih jang ƀơm truh tơlĕch jang pơ jing Tơdrong jang đơ̆ng Đảng khŭl Kuôk hô̆i găh “Hơnơ̆ng tơplih ‘nao, hơtŏk ‘lơ̆ng, đei yua tơdrong jang vei lăng tơdrong hơ pơi ‘meh đơ̆ng kon pơlei kơ Kuôk hô̆i”; hơnơ̆ng chih iŏk, tơchĕng hơlen mă brĕ dôm tơdrong hơgăt đơ̆ng Đảng, Teh đak, mă loi ‘noh jĭ dôm tơdrong bơngai tăh hla, Kon pơlei bơngơ̆t truh vă akŏm, jang tơgŭm mă kơjăp, mă ƀlep. Tang măt kơdră chĕp kơ̆l Đảng, teh đak, Kơdră Kuôk hô̆i Vương Đình Huệ hlôi pơ jao hơpăh Mê đai Bơ̆jang dơ̆ng mă Ƀar ăn Anih vei lăng tơdrong hơ pơi ‘meh đơ̆ng kon pơlei.