Drâm kơsơ̆ ‘năr 25/8, tơ̆ Hnam Quốc hội, Kơdră Quốc hội Trần Thanh Mẫn pơgơ̆r lêh sơng. Đơ̆ng rŏng kơ lêh sơng, 2 păh pơgơ̆r pơma đam. Tơ̆ jơ pơma đam, 2 păh drơ̆ng nơ̆r hơnơ̆ng tơlĕch jang đei yoa ‘lơ̆ng Trong jang tưk tơiung jang hơdoi găh mŭk drăm Việt Nam - Australia, năm truh tơdrong hơnhăk jên đơ̆ng tĕch mơdro 2 păh tŏk truh 20 ti USD păng tŏk hlŏh 2 ‘măng jên tơmât jang 2 pang tơ̆ hơnăp kơnh; hơtŏk dôm tơdrong jang tơlĕch trong tĕch mơdro, jang xa hơdoi đơ̆ng dôm anih tĕch mơdro kơ 2 teh đak. 

Tơ̆ hơnăp kơnh, Kơdră Quốc hội Trần Thanh Mẫn athei 2 păh, hơtŏk tơdrong pơgơ̆r tơƀâp băl đơ̆ng kuan tih păng dôm anih jang kơ Quốc hội, đơ̆ng dôm ngĭ si kơ 2 teh đak, đơ̆ng dôm Grŭp ngĭ si jang tơbôl vă roi tơbăt, tơgŭm băl lơ̆m dôm tơdrong kăl, mă loi găh tơdrong chih pơjing luơ̆t păng dăr lăng dôm tơdrong bơ̆ jang kiơ̆ luơ̆t.