Kơdră Quốc hội Trần Thanh Mẫn pơma hơdăh, Việt Nam ling lang lăng kăl Mi ‘noh jĭ teh đak jang hơdai gĭt kăl, păng hôn bơnê kơ Mi hơnơ̆ng pơkăp tơgŭm 1 Việt Nam pran, hiôk hian, hơdrin kơdih păng hơnŭk hơnoa. Khei ‘năr âu ki dôm tơdrong jang tơƀơ̆p păng pơma dơnuh khŭl đei hơtŏk loi dơ̆ng tơ̆ đĭ đăng dôm khŭl, dôm kơdră.

Tơ̆ hơnăp kơnh, Kơdră Quốc hội Trần Thanh Mẫn athei 2 păh tơlĕch jang đei yua tơdrong Tơchơ̆t atŭm păng Trong vă bơ̆jang Việt Nam - Mi vă yak truh tơbăt 30 sơnăm pơjing tơdrong pơvei jang tơbôl 2 teh đak lơ̆m sơnăm 2025. Quốc hội 2 teh đak kăl kơ hơtŏk loi dơ̆ng pơma dơnuh khŭl kơdră kơpal păng rim kơdră. Kơdră Quốc hội athei, Mi hơnơ̆ng set hơlen ‘lơ̆ng drơ̆ng ăn Trong jang Mŭk drăm tĕch mơdro đơ̆ng Việt Nam; jăh ăn Việt Nam lĕch đơ̆ng hơnăn dôm teh đak đei pơgăn tĕch tơlĕch tơ̆ teh đak đe găh kơmăy kơmŏk ‘nao.