Ƀar păh tơƀôh đon hơiă tơ̆ hơnăp tơdrong jang hơdoi roi đunh roi kơjăp, roi đei yoa đơ̆ng 2 Quốc hội, tơchĕng ‘lơ̆ng tơdrong chih pơkĕh kơsơ̆p hla ar “50 sơnăm tơdrong pơvei đơ̆ng Quốc hội Việt Nam – Lào” vă in tơlĕch lơ̆m sơnăm 2025. Ƀar ‘nu kơdră drơ̆ng nơ̆r hơnơ̆ng hơnhăk tơdrong pơvei chinh trĭ jang hơdoi roi ‘lơ̆ng, hơtŏk tơdrong jang hơdoi găh mŭk drăm, tĕch mơdro, unh hơyuh, logistics; hơtŏk tơdrong pơvei ăn kon pơlei, mă loi jĭ ăn sơnăm mơlôh, vă hơmet pơ ‘lơ̆ng tơdrong pơvei kăp gĭt Việt – Lào.

Kơdră Quốc hội Trần Thanh Mẫn athei Lào pơjing tơdrong ‘lơ̆ng ƀiơ̆ ăn anih tĕch mơdro Việt Nam tơmât jên jang xa. 2 păh oei drơ̆ng nơ̆r roi tơbăt ăn băl dôm tơdrong kăl mưh tơiung pơjing Đảng, hơmet pơ ‘lơ̆ng rim anih jang chinh trĭ, kăt tơjur khul bơngai jang, lơ̆m noh đei Quốc hội, vang tơgop hơmet kơjăp tơdrong pơvei ‘lơ̆ng hơiă Việt – Lào.