‘Măng năm hơpong tôch gĭt kăl vă tơbăt 50 sơnăm pơjing tơdrong pơvei jang tơbôl đơ̆ng 2 tĕh đak (1973-2023). Kiơ̆ trong vă bơ̆ jang, pơgê tơning ‘năr 4/4, tơ̆ Hà Nội, Kơdră tang măt tôm tơdrong vă plang pơyơ̆r pơkao ƀât Rup man ƀlŏk hơdơ̆r kơ đe linh lôch tang tĕh đak, ming kơvang pơkao păng mât lăng lơ̆m pơsat Ƀok Hô. Đơ̆ng rŏng kơ ‘nŏh, Kơdră tĕh đak Võ Văn Thưởng vă pơgơ̆r Lêh sơng păng pơma đam hăm Kơdră tang măt tôm tơdrong tơ̆ Anih jang kơ ƀok Kơdră tĕh đak.

Hơdai lơ̆m năr, Kơdră tang măt tôm tơdrong Australia David Hurley vă tơƀâp pơma nuh hăm Thủ tướng Phạm Minh Chính, Kơdră Kuô̆k hô̆i Vương Đình Huệ. Kiơ̆ bơngai jang tang măt ăn Australia, ‘măng năm hơpong đơ̆ng Kơdră tang măt tôm tơdrong gô tơgop pơm hơtŏk tơdrong pơvei đơ̆ng 2 tĕh đak lơ̆m rim tơdrong, hơmet kơjăp đon lui băl đơ̆ng 2 tĕh đak, jĭ tơdrong ‘lơ̆ng hơiă hlŏh lơ̆m sơnăm tơbăt tôch gĭt kăl âu.