Tơ̆ jơ sơng, Kơdră teh đak bơ̆n sơkơ̆t hơdah Việt Nam hơnơ̆ng lăng tơgĭt tơdrong tơbôl jang hơdoi hăm Thổ Nhĩ Kỳ kơyuơ tơdrong pơyua kơ kon pơlei 2 teh đak, adoi nhen tơdrong rơngei hiôk hian, sơđơ̆ng, jang hơdoi păng hơtŏk tơ-iung lơ̆m tơring păng lơ̆m apŭng plenh teh. Kơdră teh đak bơ̆n Lương Cường ră hơdah tơdrong tơbôl jang hơdoi 2 pah lơ̆m khei năr ou ki hơtŏk tơ-iung 'lơ̆ng păng Việt Nam hơpơi 'meh hơtŏk tơdrong jang tơbôl kơ 2 teh đak tŏk ah minh jăl 'nao.

Vă hơ-'nhăk tơdrong jang hơdoi gah khul linh Việt Nam - Thổ Nhĩ Kỳ gơh đei jơnei hloh, Kơdră teh đak bơ̆n akhan pơtoi hơtŏk kơhret hloh dơ̆ng tơdrong jang tơbôl kiơ̆ Tơchơ̆t jang hơdoi gah khul linh hlôi đei kĭ pơkăp, adoi nhen dôm tơdrong hlôi đei pơma đam, drơ̆ng nơ̆r lơ̆m 'măng pơma đam đơ̆ng 2 Ƀô̆ trương Anih tơm vei lăng khul linh.