Ƀok Kơdră teh đak bơ̆n Võ Văn Thưởng hlôi truh akŏm păng pơgơ̆r Hop akŏm. Xơkơ̆t Hà Nội jing plei nuih kơ jâ̆p teh đak, jing anih dơnơm chĭnh trĭ kơ teh đak, ƀok Kơdră teh đak bơ̆n Võ Văn Thưởng pơkăl Hà Nội băt hơdăh pơkăp: Hơtŏk mŭk drăm jing xơnong jang tơm, pơjing Đảng noh kăl hloh, hơtŏk joh ayŏ jing tơdrong tơm vă vei xơđơ̆ng tơpôl noh kăp gĭt, hơnơ̆ng. Ƀok Kơdră teh đak Võ Văn Thưởng adoi pơkăl Hà Nội tơrĕk pơjing khul jang kơ pơlei tơm pran kơtang, tôm tơdrong hăm pơkăp kơsô̆ bơngai jang trŏ ƀlep, đei đon bơnôh chĭnh trĭ kơjăp, tơguăt kơjăp hăm Đảng, hăm Teh đak păng kon pơlei; rơgei găh trong pơm jang, tơdrong jang, pơm trŏ tơnăp pơkăl kơchăng tơjră hơbĕch, vei lăng kơjăp, ưh đei lê̆ Anih tơm kơdrŏt hăm rim tơdrong đei ƀôh.