Lơ̆m tơdrong tơbôl, tơguăt đon bơnôh 'nhŏng oh, ƀar ƀok kơdră hlôi pơma đam tơpăt jue găh dôm tơchơ̆t tơlĕch, pơm jang găh lơ tơdrong jang hadoi. Ră hơdăh lơ̆m khei năr apŭng plenh teh păng lơ̆m tơring teh tŏk bŏk oei ƀơm lơ tơdrong tơnap tap dang ei, ƀar teh đak roi năr roi hơtŏk pơma đam, tơroi tơdrong hlôh vao, jang hadoi, tơgŭm dih băl găn hloh tơnap tap. Kiơ̆ kơ noh, ƀar ƀok kơdră xơkơ̆t dơ̆ng trong jang drơ̆ng minh đơ̆ng 2 teh đak noh, hơnơ̆ng lăng tơgĭt păng axong jang ăn tơdrong hơmet pơ-'lơ̆ng tơbôl juăt jue kăp gĭt, mă kăl noh tơguăt tơguăl jang hadoi tôm tơdrong Việt Nam – Lào; pơtoi akŏm pơm jang đei jơnei dôm tơchơ̆t drơ̆ng nơ̆r kơ 2 teh đak, adoi nhen đơ̆ng dôm anih jang tơm, anih jang trung ương păng tơring; hơtŏk tơgŭm găh dôm tơdrong tơlĕch jang; hơtŏk pran pơma đam lơ̆m dôm 'măng năm tơmang, pơma dơnuh đe kơdră kơpal.