Kơdră teh đak Cộng hòa Mozambique năm tơmang Việt Nam
Thứ hai, 11:08, 09/09/2024
Lan chih tơblơ̆
Lan chih tơblơ̆
VOV4.Bahnar – Kơsơ̆ năr 8/9, Kơdră teh đak Cộng hòa Mozambique Filipe Jacinto Nyusi păng Hơkăn ƀok hlôi truh anih tơm Hà Nội, pơtơm ‘măng năm tơmang teh đak Việt Nam đơ̆ng năr 8-10/9 kiơ̆ nơ̆r hơvơn đơ̆ng ƀok Tổng Bí thư, Kơdră teh đak bơ̆n Tô Lâm păng hơkăn ƀok.
‘Măng năm tơmang teh đak Việt Nam đơ̆ng ƀok kơdră teh đak Mozambique pơgơ̆r lơ̆m khei năr ƀar teh đak hơyak tơbăt 50 sơnăm năr iung jang tơbôl (1975-2025), jing gru kơnăl kơ dôm tơdrong hơtŏk jang tơbôl ‘lơ̆ng hơ-iă.
Kơchĕng, lơ̆m ‘măng năm tơmang, ƀok kơdră teh đak Mozambique gô tơƀơ̆p păng pơma đam hăm kơdră kơpal kơ Việt Nam, năm tơmang păng pơm jang hăm minh ƀar anih jang mŭk drăm, anih pơtho pơhrăm, joh ayŏ, gru grua kơ jơhnơr hơrih mă đe ư ang. Ƀar pah adoi kĭ pơkăp minh ƀar hla bar kăp gĭt jang hadoi lơ̆m tơdrong mă 2 pah kĕ hơtŏk jang pran.
Viết bình luận