Pơma pơtôch tơ̆ ‘măng hop akŏm, ƀok Kơdră teh đak Lương Cường lăng ‘lơ̆ng tơdrong hơdrin đơ̆ng Hơnih pơvih ăn Kơdră teh đak lơ̆m khei ‘năr tơdrong apŭng plĕnh teh păng tơring hơnơ̆ng đei ƀôh krê hơmơt; lơ̆m teh đak, tơdrong jang khŭl kơdră chĕp kơ̆l tơring 2 tăl đơ̆ng rŏng 2 khei tơlĕch jang yak blŭng bơ̆jang đei yua; rim tơring, anih jang, anih tơm, anih jang kơpal akŏm tơlĕch jang hop akŏm đảng bộ rim tơring.

Găh trong vă jang hơnăp jang lơ̆m khei ‘năr tơ̆ hơnăp kơnh, Kơdră teh đak akhan tơdrong jang tơlĕch ăn tôch kơtih pơkoĕl Hơnih pơvih ăn Kơdră teh đak athei hơtŏk bơ̆jang tôch ai, tơ jră tơtĕnh, kiơ̆ jơhngơ̆m đon kơchăng vă tơlĕch jang kiơ̆ hơnăp jang tơchĕng hơlen, jang tơgŭm, pơvih ăn Kơdră teh đak, Phŏ Kơdră teh đak lơ̆m rim tơdrong jang lơ̆m teh đak, ‘ngoăih teh đak; tơtom jang tơgŭm dôm tơdrong ƀlep yan âu, đei tơdrong jrŭ, vei sơđơ̆ng hrĕnh păng ‘lơ̆ng tơdrong jang; mă loi ‘noh jĭ tơ̆ dôm tơdrong jang gĭt kăl găh lơ̆m teh đak, ‘ngoăih teh lơ̆m năr Tơbăt 80 sơnăm Kach mang Khei 8 păng Quốc khánh 2/9.