Pơma nơ̆r pơtho tơ̆ Hop akŏm, Kơdră teh đak Lương Cường athei dêh char Phú Thọ vei kơjăp tơdrong mât 1 ƀơ̆r đon, drơ̆ng pôm nơ̆r găh đon hlôh vao păng bơ̆ jang. Hơnơ̆ng chĕp kơ̆l pơgơ̆r tơiung pơjing, hơmet ming Đảng păng rim anih jang chinh trĭ mă rơgŏh 'lơ̆ng, pran kơjăp găh chinh trĭ, đon tơchĕng, jơhngâm đon, khul jang păng kăn ƀô̆.

Kơdră teh đak lui akhan, Đảng ƀô̆, khul kơdră tơring, kon pơlei dôm hơdrĕch hơdrung păng khul linh dêh char Phú Thọ hơnơ̆ng hơtŏk tơdrong juăt 'mêm kơ teh đak, mât 1 ƀơ̆r đon, adrin jang tŏk, khŏm jang đei rim tơdrong tơchơ̆t đơ̆ng Hop akŏm Đảng ƀô̆ dêh char 'măng mă I, pơjing Phú Thọ roi đunh roi pơdrŏng 'lơ̆ng rŏ, gơ̆h hơgei, hiôk chơt, tơgăl jĭ Groi teh kơ Yă Ƀok tơm dơnơm sơ̆ kơ hơdrĕch hơdrung Việt Nam, vang tơgop kŭm hăm đĭ đăng Đảng, đĭ đăng kon pơlei, đĭ đăng khul linh bơ̆ jang đei jơnei 'lơ̆ng 2 tơdrong tơm tôch gĭt kăl 100 sơnăm.