Pơma tơ̆ lêh pơgơ̆r mơ̆t hŏk blŭng, Kơdră teh đak Lương Cường pơma hơdăh Hnam trưng pơtho pơhrăm ‘noh jĭ hơnih hơdăh găh tơchĕng hơlen khoa hŏk, jang tơgŭm gĭt kăl, hơtŏk tơiung lĭ luân, hơtŏk ‘lơ̆ng tơdrong jang chĕp kơ̆l, pơgơ̆r păng vei lăng khŭl lĭnh, sơđơ̆ng kơ Đảng, Teh đak, tơgop pơjing khŭl lĭnh, hơmet ming khŭl lĭnh, vei lăng Teh đak đơ̆ng hrôih, đơ̆ng hơtăih, vei kơjăp sơđơ̆ng chĭnh trĭ - tơpôl, pơm tơdrong ‘lơ̆ng kơjăp ăn tơdrong jang pơjing păng vei lăng teh đak.

Vă bơ̆jang kiơ̆ ‘lơ̆ng tơdrong jang, hơnăp jang lơ̆m khei ‘năr truh kơnh đơ̆ng Hnam trơng pơtho pơhrăm Khŭl lĭnh, Kơdră teh đak athei Hnam trưng kăl kơ hơnơ̆ng kơchăng, tơpăt tơlĕch jang đei yua dôm trong jang, trong năm đơ̆ng Đảng, tơdrong tơgŭm, khôi luơ̆t đơ̆ng teh đak găh khŭl lĭnh, sơđơ̆ng, găh ‘meh vă hơnăp jang pơjing khŭl kang ƀô̆ kơpal kơ Đảng, Teh đak, khŭl lĭnh ƀô̆ đô̆i; hơdai hăm ‘noh kơchăng hơmet ăn kơjăp, tơlĕch jang hloi tơdrong Tơchơ̆t Hop akŏm Đảng bộ Khŭl lĭnh ‘măng mă XII păng tơdrong Tơchơ̆t Hop akŏm ‘măng mă XIV kơ Đảng lơ̆m tơdrong jang pơtho pơhrăm vă pơm hơyak ăn ‘lơ̆ng găh tơdrong jang, trong pơtho pơhrăm, tơklep kơjăp lĭ luân hăm yan âu, lăp hăm tơdrong jang vei lăng teh đak lơ̆m tơdrong ‘nao.