Lơ̆m tơdrong vang năm pơm Lêh tŏk pơm ƀok pơtao đơ̆ng Ƀok Pơtao tĕh đak Anh Charles III, pơgê 5/5, kiơ̆ jơ tơ̆ âu, tơ̆ Anih tơm London, Kơdră tĕh đak Võ Văn Thưởng truh ngôi tơ̆ Anih ‘măn răk tơmam kơ tĕh đak Anh – Anih đei ư hơnhang lơ̆m jơhnơr arih, jĭ anih mă Karl Marx, Friedrich Engels, Lenin kŭm hăm lơ bơngai đei đon tơchĕng tih truh bơ̆ jang păng tơchng hơ len sơ̆ lơ̆m tơdrong pơjing păng hơmet pơ ‘lơ̆ng nơ̆r chih tơblang găh chủ nghĩa cộng sản ‘lơ̆ng hơiă.

Tơ̆ âu, Kơdră tĕh đak Võ Văn Thưởng truh lăng tơ̆ Anih đŏk hla ar lơ̆m Anih ‘măn răk, chă lăng dôm tơmam kăp gĭt đơ̆ng Karl Marx chăl ƀok arih, bơ̆ jang păng tơchĕng hơlen găh chủ nghĩa cộng sản tơ̆ tĕh đak Anh sơ̆. Kiơ̆ hla ar chih răk tơ̆ Anih âu, lơ̆m dôm jĭt sơnăm, Kark Marx hơnơ̆ng tơchĕng hơlen hơmet pơ ‘lơ̆ng đon tơchĕng đơ̆ng kơdih hăm tơdrong vang jang hơdoi đơ̆ng bơngai jang Triết học bơngai Đức Friedrich Engels păng in tơlĕch đei lơ ƀai chih đơ̆ng ƀok, tơdrong tơchĕng hơlen tơ̆ Anih đŏk hla ar lơ̆m Anih ‘măn răk tơmam kơ tĕh đak Anh. Ƀok kŭm hăm Friedrich Engels ling lang đei lơ̆m tơdrong arih kơ kon bơngai nhen thoi dôm bơngai chih pơjing đei chủ nghĩa cộng sản gơ̆h hơgei đei ƀơm truh tih tên păng jrŭ xă hăm kon bơngai.