Pơgê 6/4, tơ̆ Hà Nội, Khŭl chĕp kơ̆l pơgơ̆r Đảng Anih tơm jang tơbôl pơgơ̆r Hop akŏm Pơtôch 10 sơnăm bơ̆jang kiơ̆ Tơdrong tơchơ̆t Trung ương 8 (jăl XI) găh “Tơdrong jang vei lăng teh đak lơ̆m tơdrong ‘nao”. Bơngai jang lơ̆m Anih tơm Chĭnh trĭ, Kơdră teh đak Võ Văn Thưởng, Kơdră Anih pơ gơ̆r jang pơ tôch Tơdrong tơ chơ̆t vang truh akŏm păng pơgơ̆r hop akŏm. Pơma pơ gơ̆r Hop akŏm, Kơdră teh đak Võ Văn Thưởng athei anih jang tơbôl kăl kơ tŭn pran jang tơbôl mŭk drăm đei yua, ‘lơ̆ng, tơgop hơtŏk loi dơ̆ng tơdrong ‘lơ̆ng kơ teh đak; hơtŏk tôch ai tơdrong jang pran ‘lơ̆ng kơ teh đak, hơtŏk hloh dơ̆ng anih dơ̆ng kơ teh đak.

Anih jang kăl kơh nơ̆ng jang hơdai kơ jăp hăm vei sơ đơ̆ng teh đak păng rim tơring, rim anih jang hơtŏk hloh dơ̆ng tơdrong jang tơ chĕng hơ len, tơ dra hơdrol, jang tơ gŭm tơdrong jang vă pơm lăp hăm ‘meh vă vei lăng teh đak lơ̆m tơdrong ‘nao: Ưh kơ pơ dơh hơtŏk loi dơ̆ng pơ jing, hơmet ming Đảng tôm tơdrong găh chĭnh trĭ, đon tơ chĕng, jơhngơ̆m đon ‘lơ̆ng; pơ hrăm ming kang ƀô̆, đảng viên găh tơdrong jang chĭnh trĭ, tơdrong hơ gei pơm lăp hăm ‘meh vă pơ jing tơdrong jang tơ bôl Việt Nam pran kơ jăp, hơgei, tôm tơdrong, ‘nao.