Tơ̆ jơ sơng pơma dơnuh, Kơdră teh đak Võ Văn Thưởng chơt hơiă lăng ƀôh tơdrong pơvei tơbôl joăt joe păng jang hơdai ‘lơ̆ng hơiă đơ̆ng 2 teh đak hơnơ̆ng hơtŏk tơiung ‘lơ̆ng. 2 păh pơvei pơma dơnuh khŭl păng tơƀơ̆p pơma dơnuh đơ̆ng kơdră chĕp kơ̆l rim jăl. Tơdrong pơvei mŭk drăm, mơdro sa, tơmơ̆t jên jang 2 pang đei dôm tơdrong hơtŏk tơiung tŏk ‘lơ̆ng.

Ƀlep ƀơ̆t ‘măng âu, Kơdră teh đak bơnê kơ Hơkăn ƀok pơtao Mathilde hlôi ling lang yak hơdai, tơgŭm păng jang hơdai hăm Việt Nam lơ̆m tơdrong jang vei lăng hơioh; ‘măn lơ jên gĭt kăl tơgŭm Việt Nam lơ̆m tơdrong hơtŏk ‘lơ̆ng đei yua vei lăng hơioh. lăng 'lơ̆ng dôm nơ̆r athei đơ̆ng Hơkăn ƀok pơtao păng Khŭl, Kơdră teh đak ‘meh vă UNICEF Bỉ hơnơ̆ng tơgŭm Việt Nam jang pơkeh tơdrong jang tơgŭm, khôi luơ̆t ƀơm truh hơioh; hơnơ̆ng ‘măn jên tơgŭm Việt Nam, mă loi ‘noh tơ̆ dôm tơdrong jang pơtho pơhrăm, jang pơgang vă Việt Nam bơ̆jang kiơ̆ ‘lơ̆ng hloh tơdrong vei lăng, pơtho pơhrăm hơioh tơ̆ hơnăp kơnh.