Pơma tơ̆ hop akŏm, Kơdră teh đak Võ Văn Thưởng athei pơlei tơm kăl kơ bơ̆jang kiơ̆ ‘lơ̆ng tơdrong jang pơjing, pơgơ̆r Đảng păng tơdrong jang chĭnh trĭ. Pơma hơdăh kăl kơ iŏk kon pơlei ‘noh tơdrong tơm lơ̆m kơplăh hơtŏk tơiung, Kơdră teh đak athei pơlei tơm hơnơ̆ng tŭn pran hơtŏk tơiung joh ayŏ, tơpôl, pơtho pơhrăm, vei lăng jơhngơ̆m pran, hơtŏk ‘lơ̆ng tơdrong arih sa kơ kon pơlei; hơvơn jơhngơ̆m pran akŏm đơ̆ng kon pơlei, hơmet ming kơjăp jơhngơ̆m đon kon pơlei.

ơdră teh đak kŭm athei pơlei tơm Hồ Chí Minh hơtŏk tôch ai tơdrong đei yua, anih dơ̆ng, hơnih teh chĭnh trĭ mŭk drăm tơpôl păng tơƀơ̆p hơdai apŭng plĕnh teh hăm dôm teh đak lơ̆m apŭng plĕnh teh, mă loi ‘noh jĭ dôm teh đak tơring đak krong Mê Công, dôm teh đak ASEAN, dôm teh đak jang hơdai tih.