Tơ̆ jơ sơng, ƀok Kơdră Bùi Thanh Sơn pơma hơdăh Việt Nam ling lang năng kăl tơdrong pơvei ‘lơ̆ng hơiă đơ̆ng tĕh đak jê̆ băl, tơdrong jang hơdoi tôm tơdrong hăm Trung Quốc, năng ‘nâu jĭ tơdrong pơ ‘nhŏ jang hơdrol hlŏh lơ̆m rim trong jang tơbôl đơ̆ng kơdih, kơchăng, jang lơpang đơ̆ng Việt Nam; bơnê kơ Quảng Tây đei lơ tơdrong tơgop vă hơmet pơ ‘lơ̆ng tơdrong pơvei đơ̆ng 2 tĕh đak, tơgŭm lơ tơmam, kơmăy kơmŏk, pơgang vă tang găn jĭ Covid-19 ăn Việt Nam.

Ƀok Kơdră Bùi Thanh Sơn athei 2 păh hơtŏk tơdrong năm hơpong tơ̆ băl, pơgơ̆r tơƀâp pơma nuh đơ̆ng rim anih jang, khul grŭp; hơtŏk tơdrong đei yoa đơ̆ng dôm trong jang hơdoi, tơdrong jang oei bơ̆ jang hrei ‘nâu; pơih xă tơdrong pơgơ̆r tơƀâp, pơm tơbôl đơ̆ng kon pơlei tơ̆ tơring sơlam.