Tơ̆ jơ pơma điên thoăi, ƀok Lê Hoài Trung pơma hơdăh Việt Nam ling lang lăng kăl păng ‘măn tơdrong tơgŭm ‘lơ̆ng hloh lơ̆m tơdrong pơvei jang hơdai hăm Lào; pơma hơdăh gô hơnơ̆ng jang hơdai kơjăp hăm Kơdră tơm jang tơbôl Lào vă tơgop pơm hơtŏk tŭn pran tơdrong pơvei jang hơdai đơ̆ng 2 teh đak pơma atŭm păng đơ̆ng 2 Anih tơm jang tơbôl pơma hơdrô̆.

Kơdră tơm drơ̆ng nơ̆r gô hơnơ̆ng jang hơdai kơjăp tơlĕch jang đei yua dôm tơdrong drơ̆ng nơ̆r gĭt kăl păng hơmet ‘lơ̆ng ăn dôm tơdrong jang gĭt kăl kơ 2 teh đak kŭm nhen đơ̆ng 2 teh đak tơ̆ hơnăp kơnh. Việt Nam ling lang tơroi băl tơdrong hlôh vao, tơgŭm Lào lơ̆m hơtŏk tơiung mŭk drăm - tơpôl, mă loi ‘noh jĭ lơ̆m bơ̆jang kiơ̆ dôm tơdrong hơgăt hơtŏk tơiung kơjăp.