'Măng năm tơmang đei pơgơ̆r lơ̆m khei năr 2 teh đak hơtŏk jang hơdai tơbôl Tôm tơdrong ah sơnăm 2024. 'Măng năm tơmang tơƀôh trong pơkăp jang đơ̆ng Australia gah drơ̆ng minh lăng tơgĭt gah tơdrong hơtŏk jang tơbôl hăm tơring Đông Nam Á, lơ̆m noh đei Việt Nam. Gah Việt Nam, tơdrong sơng Kơdră tơm teh đak Australia truh tơmang tơgop hơtŏk hơ-iă tơdrong jang tơbôl đơ̆ng Đảng păng Teh đak lăng tơgĭt tơbôl hăm rim teh đak lơ̆m tơring Pơbah Thái Bình Dương, mă kăl noh Australia.

Dang ei Australia jing teh đak jang tĕch pơdro tih mă 7 kơ Việt Nam păng Việt Nam jĭ teh đak tih mă 10 kơ Australia. Tơmam tĕch răt kơ 2 pah tŏk sơđơ̆ng, đei hloh 14 tih đôlar ah sơnăm 2024. Ƀar pah adoi hăt hot pơih 'măng tĕch răt tơmam drăm choh pơtăm kơ dih băl. 'Măng năm tơmang kơpal truh Việt Nam đơ̆ng Kơdră tơm Australia Sam Mostyn gô pơtoi hơtŏk tơdrong lui ngeh jang hơdoi kơ 2 t/đ, tơgop ăn tơdrong rơngei hiôk hian, sơđơ̆ng păng hơtŏk tơ-iung lơ̆m tơring.