Lăp đơ̆ng rŏng pơm lêh, 2 kơdră tơm pơgơ̆r pơma đam. Kơdră tơm Tô Lâm pơma hơdăh, Việt Nam ling lang lăng kăl tơdrong pơvei jang tơbôl joăt joe hăm Belarus. Kiơ̆ lơ̆m tơdrong pơvei jang hơdai ‘lơ̆ng hơiă đơ̆ng Kơdră tơm vei lăng Kŏng an Việt Nam păng Anih tơm vei lăng tơdrong kăl Belarus, tơ̆ pơma đam, 2 păh hlôi drơ̆ng nơ̆r, lăp đơ̆ng rŏng kĭ pơ kăp drơ̆ng nơ̆r jang hơdai đơ̆ng Anih tơm vei lăng Kŏng an Việt Nam păng Anih tơm vei lăng tơdrong kăl Belarus, gô hơdrin pơ jing trong tơlĕch jang mă hơdăh vă tơlĕch jang kiơ̆ dôm tơdrong jang hơdai hơdăh đơ̆ng 2 anih jang vă pơtrŭt păng hơtŏk loi dơ̆ng pơma dơnuh đơ̆ng khŭl rim kơdră găh jang hơdai vang tơroi tơdrong hlôh vao, vă kơ băt, khan lê̆ hơdrol păng tang găn, tơ jră hăm dôm tơdrong kăl.

Pơma dơnuh tơdrong hlôh vao pơjing Anih tơroi lê̆ hơdrol  ŭnh  sa hrôih păng sar bar tŏ ‘mi kial. Tơ roi tơƀôh, tơ roi băl, pơ jao kơ măy kơ mŏk, jang hơdai pơm tơlĕch dôm tơmam tang găn ŭnh sa pĭt ŭnh sa păng dŏng tơgŭm dŏng sar bar ‘nao. Vang tơroi tơdrong kơ tơ̆ng ang vă chih tơmơ̆t pơ keh hla ar khôi luơ̆t găh tang găn ŭnh sa pĭt ŭnh sa păng dŏng tơgŭm dŏng sar bar.