Lơ bơngai ‘nhăk tơgop lơ kơthŭng mi tôm, đak nhă, lương khô, phe, hơbăn ao, ao đông, đak toh vă hơtŏk tơ̆ dôm tong gre 0 hlj vă pơtruh ăn kon pơlei tơring gah Tu. Jô̆ truh 8 jơ kơmăng năr 10/9, kon pơlei Đak Lăk hlôi tơgop đei tơmamm păng hơtŏk tơ̆ 5 tong gre tih, rim tong gre chơ jê̆ 20 tâ̆n, kơsô̆ gre âu pơtơm kơdâu năm truh tơring Tu vă pơjao ăn kon pơlei tơ̆ dôm dêh char tŏk bŏk oei ƀơm răm đak hơbông pơrăm.

Vă pơm trong hiôk ăn kon pơlei, dôm khul jang ‘mêm bơnat gơh hiôk hian hloh lơ̆m tơdrong chơ pơtruh tơmam tơgŭm, Anih jang vei lăng kon pơlei pơlei tơm Buôn Ma Thuột hlôi pơgơ̆r Anih jang ‘long pơglang brê pơlei tơm păng Anih Asong jang Linh jĭ rơka păng tơpôl jang hadoi hăm Khul vei sơđơ̆ng tơpôl tơring kơdrơ̆m asong gre vih vơ̆t, tơmam drăm păng dôm hla bar pơkăp trŏ lưŏt vă khul gre chơ tơmam tơgŭm gơh vih vơ̆t hiôk hian hloh.